Здравство и животна средина

Во областа на здравство несебично ја даваме својата поддршка на здравствените институции, невладините организации и здруженија на граѓани што се борат за подобрување на условите за здравствено лекување, овозможување на соодветен третман и лекувања на лица заболени од ретки и тешки заболувања, како и финансиска помош за поединци – физички лица што имаат потреба од специјални третмани или операции во странство.

Грижата за животната средина е важен сегмент од нашата стратегија за корпоративна општествена одговорност, кој опфаќа проекти што придонесуваат за подигнување на свесноста кај граѓаните за заштита на животната средина од потенцијалните загадувачи, како и за едукација на најмладите за важноста и значењето на поимот „рециклирање“. Во голем дел од проектите за заштита на животната средина активни учесници се и нашите вработени, кои со личен пример и волонтерство учествуваат во реализацијата на проектите.

Шпаркасе Банка донираше шест дрвја од сортата јапонска цреша во општина Штип

Во рамки на платформата за општествена одговорност #SparkasseLife, Шпаркасе Банка донираше шест дрвја од сортата јапонска цреша во општина Штип.

Дрвата се посадени на еден од парковите во старото градско јадро, помеѓу ОУ "Ванчо Прке" и гимназијата "Славчо Стојменски", каде во минатото постоело штипското корзо.

Со оваа донација не само што придонесуваме кон зелена иднина, туку и повторно ќе заживее старото штипско корзо, каде ќе може да се ужива во естетиката и убавината која ја даваат јапонските цреши.

Дека се учиме на здрави навики од мали нозе покажува иницијативата на децата од Еколошкото друштвото на ОУ "Ванчо Прке" да се грижат за одржување на јапонските цреши.

Шпаркасе Банка продолжува со иницијативата за поддршка на проекти за заштита на животната средина и водење на здрав живот.

Шпаркасе Банка во чест на вработените на Банката и на клиентите засади 2.500 садници од багрем

Вработените во Шпаркасе Банка, на опожареното подрачје во Гиновци, Крива Паланка, на еден хектар површина засадија 2.500 садници од багрем – во чест на вработените на Банката и на клиентите.

Со оваа акција за пошумување, Шпаркасе Банка АД Скопје ја продолжува иницијативата од Британската амбасада по повод 70-тиот платинест јубилеј на кралицата Елизабета Втора, за засадување дрвја на територијата на Македонија.

Вработените во Шпаркасе Банка кои волонтерски се приклучија кон оваа благородна акција за пошумување, со секое засадено дрво придонесоа кон подобрување на квалитетот на воздухот, намалување на емисијата на CO2 како и кон целокупно поздрава средина за идните генерации.

Шпаркасе Банка верува дека на овој начин ја подига свеста за важноста од водење грижа за животната средина, за климатските промени и за природата во целост, како дел од корпоративната стратегија за одржливост.

Шпаркасе Банка со донација на дрва за позелено Скопје

🌳 На 01.12.2021 во Скопје беа засадени 50 каталпа дрва како израз на стремежите за позеленување на градот Скопје. Дрвата се донација на Европската банка за обнова и развој European Bank for Reconstruction and Development (EBRD), Европската Унија (ЕУ), Австрија и локалните партнерски банки: Шпаркасе банка, НЛБ банка, ПроКредит банка и Комерцијална банка, како дел од Програмата за финансирање на зелената економија на Западен Балкан (Western Balkans Green Economy Financing Facility – GEFF in North Macedonia), која ги поддржува домаќинствата за инвестиции во подобрувања на енергетската ефикасност.

✔ ЕБОР, ЕУ, Австрија и локалните партнерски банки донираат дрва за да ги обележат резултатите од ГЕФФ Програмата во Северна Македонија

✔ Програмата за енергетска ефикасност на ЕБОР, до сега поддржа 2.500 домаќинства во Северна Македонија

✔ Домаќинствата добија грант од ЕУ, до 20% од износот на кредитот. „Во изминатите четири години Шпаркасе Банкa беше еден од активните промотери на Западен Балкан ГЕФФ програмата и заедно со поранешна Охридска банка, реализираа вкупни пласмани од ЕУР 15 милиони. Преку нашата продажна мрежа работевме интензивно за поголема директна промоција на програмата, што придонесе за поголема едукација и свесноста кај граѓаните за примена на енергетско-ефикасни материјали при реновирање или изградба на нивните домови,“ изјави Нина Неданоска, Член на Управниот одбор на Шпаркасе Банка АД Скопје.

Еко Маскенбал во соработка со Пакомак и Рамстор Мол

Ја развиваме креативноста, ја зголемуваме еко свеста кај најмладите! По повод 1 Април, денот на шегата, Шпаркасе Банка заедно со Ramstore Mall - Skopje и Пакомак и оваа година го организираше Еко - Маскембал.

Забавни и едукативни маски, незаборавен концерт со Златно славејче и многу радост и смеа! И секако, најкреативните и најзабавните еко маски беа одбрани од стручното жири и наградени:

I место Иван Крчков со својот тенк на мирот освои штеден влог од 10.000 МКД

II место Марија Микулец и Еко роботите освоиа штеден влог од 6.000 МКД

III место Стефан Смилчески како папагал осови штеден влог од 4.000 МКД

#ВерувајВоСебе

ВРАБОТЕНИТЕ ОД ШПАРКАСЕ БАНКА ПРЕКУ ЕКО АКЦИЈА ДОНИРААТ ЗА „СОС ДЕТСКО СЕЛО“

CSR проект на „СОС Детско село“ и Шпаркасе Банка, овозможено и поддржано од „Challenger“.

Вработените во Шпаркасе Банка со секој ЕКО километар поминат во пешачење, возење велосипед, планинарење, ќе овозможат да се собере поставената цел за донација кон „СОС Детско село“ во износ од 300.000 денари. Преку повикот за остварување на заеднички импакт од сите вработени, Шпаркасе Банка не само што ќе ја реализира донацијата кон „СОС Детско село“, туку и ќе ги поттикне и мотивира своите вработени за поголема физичка активност и мерење на изминати ЕКО километри во секојдневното движење.

ЗАЕДНИЧКА ДОНАЦИЈА ВО ИЗНОС ОД 110.000 ЕВРА ЗА НАДМИНУВАЊЕ НА ПОСЛЕДИЦИТЕ ОД ВИРУСНАТА ПАНДЕМИЈА ВО РЕПУБЛИКА СЕВЕРНА МАКЕДОНИЈА

Во знак на поддршка на напорите за надминување на последиците од коронавирусот, Шпаркасе Банка Македонија, Охридска Банка и матичната банка Штаермеркише Шпаркасе од Грац, Австрија, се вклучија во заеднички донаторски активности во вкупен износ од 110.000 евра.

Групацијата Штаермеркише Шпаркасе, својата солидарност ја искажа преку наменска донација на повеќе здравствени институции и помош на 1.500 социјално загрозени семејства во услови кога им беше потребна финансиска помош и поддршка за полесно надминување на последиците од ковид-19 кризата.

Вкупната донација во износ од 110.000 евра наменски беше искористена за поддршка на различни сегменти од здравствениот систем. За потребите на Универзитетската клиника за инфективни и фебрилни болести во Скопје се донирани (54.000 евра) средства за набавка на заштитни маски и скафандери како дневни потреби на здравствените работници, како и одржување и ремонт на постојна медицинска опрема (два мобилни рендген апарати) и набавка на вертикална ламинарна комора. Во рамките на оваа донација се издвоија финансиски средства за поддршка на двете општи болници во моментално најпогодените подрачја надвор од Скопје: Куманово и Охрид, обезбедено е гориво за 32 возила што се на располагање на Итната медицинска помош.

До Шпаркасе #НаТочак

Во рамки на платформата за општествена одговорност „Sparkasse Life“, Шпаркасе Банка постави паркинг за велосипеди позади Централата на Улица Македонија. Ги повикуваме сите вработени, клиенти и соседи да ја поддржат иницијативата за водење на здрав живот, создавање на здрави навики и заштита на животната средина преку користење на велосипедите како превозно средство. До Шпаркасе #НаТочак!