Драги студенти, ни претставува особена чест и задоволство да Ве информираме дека Шпаркасе Банка ќе биде вашиот партнер и поддршка во процесот на имплементација на Законот за студентски оброк во согласност со не финансискиот Договор склучен со Министерството за образование и наука.

Овој продукт ќе обезбеди наменско користење на доделените средства , за купување приготвена храна и прехранбени производи, а студентите ќе може да ја користат од понеделник до сабота (исклучувајќи државни празници), кај правни лица што произведуваат, подготвуваат или продаваат храна и прехранбени производи. Секој студент кој го остварил правото на субвенциониран оброк на својата студентска картичка добива максимум достапен износ во седмицата 840 денари. Износот кој ќе биде ставен на располагање на студентот на почетокот од тековната седмица и ќе му биде достапен за користење до крајот на седмицата заклучно со ден сабота, ќе биде во висина од 140 мкд помножен со број на работни денови во тековната седмица почнувајќи од понеделник до сабота (максимум достапен износ во седмицата 6 х 140 мкд = 840 мкд), освен во периодот од 01 Јули до 01 Октомври, за време на државни празници и неработни денови. Наменската картичка ќе биде единствено средство преку кое студентите ќе можат да користат субвенциониран студентски оброк, поради што е важно секој студент да ја подигне навремено. 

Сите студенти кои се пријавиле или сакаат да се пријават на повикот, немаат обрска предвремено да отвораат сметка во Шпаркасе Банка. По завршување на повикот, Банката ќе контактира со селектираните студенти, на податоците за контакт (мобилен телефон / мејл-адреса) кои за оваа намена ќе бидат споделени на онлајн платформата на Министерството за образование и наука, со цел да добијат конкретни насоки околу понатамошните активности.