За промена на дневен лимит на вашата платежна картичка (за безготовинско плаќање и подигнување на готовина од платежната картичка) обратете се во најблиската експозитура.

За оваа услуга Банката наплатува провизија, во согласност со важечката одлука за тарифи.

За да орочите средства (денари или девизи), неопходно е да имате или да отворите платежна сметка во „Шпаркасе Банка".

Старосната граница е 65 години, односно последната рата треба да доспева пред клиентот да наполни 65 години. Исклучок се пензионерите што аплицираат за кредит за пензионери, дозволено пречекорување или кредитна картичка и лицата што аплицираат за станбен кредит. За овие клиенти максималната старосна граница е 70 години.

Трајниот налог ви овозможува на едноставен, сигурен и брз начин да извршувате автоматизирани плаќања на обврските за режиски трошоци, обврските по кредитни продукти, обврските кон надворешни институции и други плаќања на редовна основа. Плаќањата се извршуваат од вашата денарска платежна сметка отворена во „Шпаркасе Банка".

Како флексибилна банкарска услуга, трајниот налог се приспособува на вашите потреби, овозможувајќи контрола врз плаќањата и поддршка при управување со финансиите.

Потребно е да посетите една од експозитурите на „Шпаркасе Банка Македонија" и да пополните пристапница и договор за користење на услугата. Кодовите за активирање на апликацијата ќе ви бидат веднаш доставено по email и СМС.

Лозинката за електронско банкаство можете да ја промените онлајн преку линкот https://secure.24x7.com.mk/enrollment_netbanking/mk-MK/Retail/ResetAccount кој е поставен на најавната страница во електронско банкарство. Во формата потребно е да пополните одредени податоци преку кои ќе ве идентификуваме и потоа на email ќе ви биде доставена порака преку која можете да се логирате со користење на новата лозинка за електронско банкарство.

За да се отвори детска штедна книшка, неопходно е родителите или старателите на детето да бидат присутни во Банката, од причина што тие треба да ја потпишат потребната документација како законски застапници на штедниот влог.

Физичко лице може да направи девизен трансфер кон сметка на физичко лице во странство на максимален износ од 2 500 ЕУР на месечно ниво.

Физичко лице може да направи девизен трансфер кон сметка на правно лице во странство со приложување фактура според која би се реализирал и соодветниот износ на дознака.

Не. Апликацијата sToken може да се користи само од еден паметен уред. Доколку побарате од Банката да ви достави одново кодови за активирање на апликацијата, таа по автоматизам ќе биде деактивирана од претходниот уред каде што сте ја користеле.

За користење на услугата потребно е да ги исполните следниве карактеристики:

• за iOS оперативен систем, минимална верзија на оперативен систем 7.0;
• за Android оперативен систем, минимална верзија на оперативен систем 4.0.3;

Дополнително, потребна е стабилна конекција на интернет (преку сопствен интернет и/или WiFi мрежа).

„Шпаркасе Банка" не наплатува провизија за трајни налози со фирми со кои има склучено договори за соработка. Во моментов тоа се: ЕВН Македонија АД Скопје, Снабдување со топлина „Балкан Енерџи ДООЕЛ" Скопје, РОБИ ДООЕЛ Штип, Македонски Телеком АД Скопје (фиксна и мобилна телефонија). „Шпаркасе Банка" исто така не наплатува провизија за услугата за вршење на плаќања по основ на полиси за животно осигурување преку траен налог кон „Винер лајф".

За другите трајни налози, провизијата е 0,01% од износот, минимум 20 денари.

„Шпаркасе Банка" може да одобрува кредити на физички лица државјани на Република Македонија, односно физички лица што имаат статус на резиденти и постојано место на живеење на територијата на Република Македонија.

На клиентите што ја примаат или ќе ја префрлат платата / пензијата на својата платежна сметка во „Шпаркасе Банка", за ново депонираните средства им се одобрува стимулативен додаток од +0,15% кој се додава на основната каматна стапка од депозитот. Дополнително, „Шпаркасе Банка" одобрува и стимулативни додатоци доколку депозитот надминува одреден износ.

„Шпаркасе Банка Македонија" не наплатува провизии за плаќање на ПОС-терминал / интернет во странство. Сепак, во одредени ретки ситуации трговецот каде што плаќате може да ви пресмета одредена провизија, која не зависи од банката издавач на картичката.

Со платежните картички издадени од „Шпаркасе Банка Македонија не се дозволени онлајн-трансакции што се класифицираат како Online Gambling.

Кај стандардните орочувања, каматата се исплатува на датумот на доспевање на депозитот, односно на крајот на периодот на орочувањето. Кај рентните орочувања, каматата се исплатува на месечно ниво на денот на орочувањето.

Обезбедувањето за потрошувачките кредити зависи од износот за кој се аплицира, односно:

• за износи до 300 000 МКД – без жиранти;
• за износи над 300 000МКД до 610 000 МКД - кредитоспособен жирант или солемнизација на договорот за кредит на нотар;
• за износи над 610 000 МКД до 1 200 000 МКД - кредитоспособен жирант или меница уредена во форма на нотарски акт. Дополнително задолжително обезбедување за износи над 610 000 МКД е полиса за животно осигурување на кредитокорисникот купена преку Банката и винкулирана во корист на Банката за време на отплата на потрошувачкиот кредит.

Да. Апликацијата S-Banking може да ја користите од повеќе уреди што користат Android и iOS оперативен систем.

Депозитите на физичките лица се осигурени во Фондот за осигурување на депозити на Република Македонија, кој ги обесштетува осигурените депозити во износ до 30 000 евра во денарска противвредност по депозит во една банка, филијала на странска банка или штедилница.