Почитувани клиенти,
ШТЕДИ, КРЕИРАЈ, ПОБЕДИ!
Креативен конкурс на Шпаркасе Банка и на Пакомак за чиста животна средина
Ве известуваме дека започнува месецот на штедење! Во периодот од 01.10 - 31.10.2018 година. Шпаркасе Банка организира награден конкурс (акција) за промовирање на позитивните вредности од штедењето и подигнување на еколошката свест.
Бидете креативни и создадете уметничко дело од пластика или од хартија на тема „штедење“, а Шпаркасе Банка ќе ги награди најдобрите дела со парични награди на штедна книшка. Пријавете се и учествувајте на креативниот конкурс за да се забавуваме и заедно да придонесеме за чиста и здрава иднина за сите!
Креативниот конкурс е наменет за децата од градинките и од основните училишта, на тема „штедење“. За да се пријавите на конкурсот, потребно е да ни доставите фотографија од креативната творба на електронската пошта marketing@sparkasse.mk , најдоцна до 31.10.2018 година.
Доделувањето на наградите ќе биде на 04.11.2018 во емисијата „Горе долу, сите сме еднакви“, со Ивце Пивце.
Со почит,
Шпаркасе Банка Македонија