По повод 19 Август - Светскиот ден на Хуманоста Шпаркасе Банка ја најавува новата соработка со својот долгогодишен партнер- СОС Детско Село и заедничката кампања под мотото - "За повеќе детски насмевки", која ја пренесува силната порака за моќта на поврзувањето и градењето силни врски на доверба и поддршка, кои му се потребни на секое дете да прерасне во силна индивидуа.
Во рамките на Sparkasse Life платформата која обединува корпоративни општествено одговорни практики во различни животни сегменти, а во согласност со принципите на работа на СОС Детско село, од денес преку кампањата "За повеќе детски насмевки", ",започнуваат активностите поделени во неколку сегменти на делување.
Во периодот од 19.08 до 30.09.2022г, со секоја новотворена депозитна партија од типот Штеден План, Детско Штедење, Депозит плус или Депозит прогрес, Банката ќе донира по 600 денари за потребите на СОС Детско Село. Во рамките на оваа соработка, предвидени се и волонтерски активности и индивидуални финансиски донации од вработените на Шпаркасе Банка, практика која е успешно прифатена и се спроведува веќе низа години со цел поттикнувањето на индивидуалната филантропија. Својата индивидуална поддршка во наредниот период ќе можат да ја изразат и сите клиенти на Банката со директно донирање за потребите на СОС Детско Село преку апликацијата за мобилно банкарство на Банката.
На овој начин Шпаркасе Банка ја изразува својата верба во заедницата, придонесува за подобар живот на многу деца без родители и семејства во ризик, влијае на подигање на свеста за важноста на водење грижа за социјално ранливи категории, поттикнува индивидуална филантропија, како и градење култура на солидарност и поврзување.. Крајот на кампањата ќе биде означен со завршниот настан, предавање на донацијата и садење на садници во детското село со што симболично ќе се означи новиот почеток и вложување во поубава иднина за сите деца на СОС Детско Село. Со оваа соработка Шпаркасе Банка го зацврстува својот имиџ и улога на општествено одговорна банка во Република Северна Македонија за што говорат и бројните национални признанија.